Nephrotic Syndrome : અનુભવી ની સલાહ

અનુભવી ની સલાહ આ વિષય પર મારા હોસ્પિટલ ના અનુભવ ની વાત કરવી છે. હોસ્પિટલ નું નામ આવે એટલે કોઈ રોગ નું નામ આવે. અને એ બીમારી કોને હતી એ બધું જાણવા ની તત્પરતા રહે. તો નિરાંતે વાત કરવા બેઠો જ છું તો કઉ  કે બીમારી નું નામ નેફ્રોટીક  સિન્ડ્રોમ ( Nephrotic Syndrome ) આ એક કીડની ની બીમારી છે. હવે કીડની નું નામ સાંભળી ને સૌપ્રથમ મને જ ઝટકો લાગ્યો કારણ કે જ્યાર થી સમજણ આવી ત્યારથી એટલી ખબર કે કીડની ના રોગ ત્યારે થાય જયારે દારૂ કે નશીલા પદાર્થ નું સેવન કરતા હોય ( પીતા હોય ) આ ટપોરી ને ક્યારેય કદી કોઈએ દારૂ સુંગાડ્યો પણ નથી ( નસીબ મારા ) અને વ્યસન તો બાપ જિંદગી માં કદી નથી કર્યું ( તમારા સમ ) એક્ઝેક્ટ 10 દિવસ હોસ્પિટલ ની હવા ખાધી.

બન્યું એમ કે શરુઆત માં પગે સોજા આવ્યા હતા લોકલ ડોક્ટર્સ ( ફેમીલી ડોક્ટર્સ ) ને બતાવ્યું તો ટેબ્લેટ્સ આપી ને કહ્યું કે થઇ જશે .( પણ ના થયું કઈ ઠીક ) પછી ખબર પડી કે આ તો કંઈક સીરીઅસ જેવું  લાગે છે. હવે આખા બોડી ના ચેક-અપ કરાવ્યા બાદ રીપોર્ટસ આવ્યા બાદ એક હોસ્પિટલ માંથી બીજી હોસ્પિટલ માં ટ્રાન્સફર થયો ( ગાંધીનગર થી અમદાવાદ ) ફરી થી બધા જ રીપોર્ટસ કઢાવવા જ પડ્યા કારણ કે ગાંધીનગર હોસ્પિટલ ના રીપોર્ટસ માન્ય રાખ્યા નહિ. ( જેટલી તકલીફ બીમારીની જાણ થી ના થઇ એના કરતા 10 ગણી વધારે તો હું બે - બે વખત બોડી નું ચેક અપ  કરાવીને લેવાઈ ગયો )

પણ લાસ્ટ માં ટ્રીટમેન્ટ શરુ થઇ ગઈ અને હાલ બેટર છું દવાઓ ચાલુ જ છે. પણ મજા નો અનુભવ એ  વાત નો રહ્યો કે જયારે સગા સબંધીઓ ખબર લેવા આવે. કેટલાક સવાલ એકદમ કોમન જ હોય જેમ કે

• હવે કેવું છે?? ,
•  હમણા સુધી તો એકદમ સાજો સમ જ હતો ને આ અચનક જ ..... ?? 
•  શું કહ્યું ડોકટરે ...??
   ત્યારબાદ એકદમ જ એ પોતાની વાત પર આવી જાય ઉ.દા તરીકે ,, 
• અમારે તો વહેલું જ આવવું હતું પણ હમણા જ ખબર પડી એટલે થોડું...,,  
• આવું જ અમારા ફલાણા , ઢીંકણા એમને પ્રોબ્લેમ હતો,,,
•  હિંમત રાખવાની ,,
• ભગવાન કરે એ સારા માટે ....,, ભગવાન પર ભરોસો રાખવાનો  ....
  ત્યારબાદ ઓળખાણ કાઢે દવાખાના માં કોઈ હોય એની.
•  અહી તો અમારા એક ઓળખીતા પટાવાળા છે.. અરે પેલા પટેલ સાહેબ આ જ વિભાગ માં છે ને ... અને છેવટે કઈ મેળ ના પડે તો કેટલાક તો સામે થી ડોક્ટર પાસે જઈને ઓળખાણ નીકાળે 
• અમે અહી થી બીલોંગ કરીએ છીએ તમે ક્યાં ના છો???
  વળી કેટલાક સગાઓ ના આવા વાક્ય સાંભળી ને મેં ખુબ જ મજા લીધી ( ફીમેલ વધારે ) 
• હાય હાય , બિચારા ને કશું  જ વ્યસન નહતું અને કેટલો સીધો છોકરો હતો." પણ મારી વહાલી આંટી હું હજી પણ જીવું જ છું. છોડો આ બધી વાતો કરવા બેસીશ તો વધારે થઇ જશે.
• અને લાસ્ટ માં જયારે પૈસા આપે ત્યારે પાછળ થી અવાજ આવે "ના ના આટલા બધા ના હોય."

આ બધી તો મજાક થઇ પણ ખરેખર જોવા જઈએ તો જેટલી મદદ અને જેટલો સાથ પરિવાર તરફ થી મળ્યો એ જોઇને લાગે કે હોસ્પિટલ માં એડમીટ જ નથી થયો જેટલો હુંફ અને પ્રેમ મળ્યો એ પરથી કઈક અલગ આનંદ થયો. 10 દીવસ દરમિયાન ભાઈઓ જીતું, કુશલ, મહેન્દ્ર આ અતિ વહાલા ભાઈ ઓ ( બધા ની ઉંમર લગભગ સરખી જ છે, મારા થી 3 વર્ષ મોટા ) એ મારી કાળજી માટે કઈ જ કસર નથી રાખી, માતા - પિતા તો સરુઆત થી અંત સુધી હોય જ એમના વિષે તો શબ્દો માં લખી જ ના શકું ને, આ અહેસાસ એટલા માટે થયો કે ઓફીસ નું વાતાવરણ અને 24 કલાક પરિવાર સાથે ની વાતો અને મસ્તી મજાક એકદમ અલગ હતા. સાચે જ યાર કેહવા નું  મન થાય છે કે જો આવો પરિવાર હોય તો એકાદ મહિનો હોસ્પિટલ માં પડી રેહવા માં ખુબ જ મજા આવી જાય. જો હું બીમાર ના થયો હોત તો મારા નસીબ માં આ પ્રેમ ક્યારે હતો?? થેંક યુ ગોડ.

ચિહ્નો અને લક્ષણો ( Signs and symptoms ) :

• હાથ, પગ કે ચેહરા  પર સોજા આવી જવા 
• શ્વાસ ચડવો.
• બીજા ઘણા ..
• http://en.wikipedia.org/wiki/Nephrotic_syndrome

સારવાર ( Treatments ) 

• એલ્બ્યુંમીન ઇન્જેક્શન 
• થોડી ટેબ્લેટ્સ ( 1 મહિનો )

રીપોર્ટસ 

• બ્લડ અને યુરીન ના રીપોર્ટસ 
• સોનોગ્રાફી 
• કાર્ડીઓગ્રામ 
• ક્ષ કિરણ ( X-rays )
• બાયોપ્સી 

કાળજી રાખવા ની બાબત : 

• મીઠું ઓછું જમવામાં 
• કઠોળ વધુ માં વધુ જમવામાં જેનાથી પ્રોટીન મળી રહે છે
• ઈંડા માં સૌથી વધારે પ્રોટીન હોય છે ( પણ મમ્મી એ ચોખ્ખી ના પાડી દીધી, ખબરદાર વાડી ધમકી આપી દીધી )

લબૂક -

"હા બીમાર હતો ફક્ત શરીર થી. મજબૂત હતો મારા વિચારો થી

જેમ જરૂર ના હોય તેજ ની સૂર્ય ને એમ યુવાન ને પણ નથી જરૂર હિંમતની"

- વધારે થઇ ગયું (સોલી શક્તિમાન)  

૧૫ મી ઓગસ્ટ અને જન્માષ્ટમી - 2014

બોસ શું માહોલ હતો ગજબ નો !! અરે જ્યાં જુઓ ત્યાં ભારત ના જ તિરંગા ( મતલબ વોટ્સએપ અને સોસીઅલ મીડિયા માં ). સ્વાતંત્ર દિવસે તો સવારે વહેલો જ ઉઠી ગયો, પછી વીરુ ના ઘરે જઈને એને પણ જગાડ્યો પછી ગયા સીધ્ધા વહેલાલ ( ધ્વજવંદન કરવા ) . શું યાર અડધું તો પતિ ગયું હતું , પણ જેવું રાષ્ટ્રગીત ચાલુ થયું અને સ્કાઉટ વાળા ધમ-ધમ મંડી પડ્યા અને મારા તો રુંવાડા ઉભા થઇ ગયા (સાચે જ યાર) , સાલું આવું પહેલા જયારે સ્કુલ માં હતા ત્યારે નહતું થતું. ત્યારબાદ બધા જ મેડમ અને સર ને મળ્યા, થોડી વાતો ની વાત કરી અને થોડી યાદો ને યાદ કરી. ઘરે આવીને મેક્ષ પર લગે રહો મુન્નાભાઈ મુવી ચાલતું હતું એ જોયું.

મિત્ર સાચું કઉં ને તો એટલા બધા વિચારો આવ્યા ને કે સાલું મુન્નાભાઈ જેવા કેમિકલ લોચા આપણા માઈન્ડ માં કેમ નથી થતા ? મને બધું જ ખબર હોવા છતાં હું કેમ કોઈ લક્કી જેવાને "Get Well Soon" નથી કહી શકતો ? મારા હક નું પણ મારે મેળવવા માટે સહન કેમ કરવું પડે છે ?

હું જન્માષ્ટમી ના દિવસે અમદાવાદ ભાવ-નિર્જર શ્રી કૃષ્ણ નો જન્મોત્સવ ઉજવવા આવ્યો હતો, ત્યાં આખા દિવસ દરમિયાન ખુબ જ શીખ્યો, ખુબ જ મજા આવી, કંઈક સારું જોવા, શીખવા મળ્યું. શ્રી કૃષ્ણ નું જે ચરિત્ર હતું એ પર થી જેટલું શીખી શકીએ એટલું ઓછું. વિશ્વ ના સૌથી મોટા ફિલોસોફર નું પુસ્તક ( બુક ) હિંદુ ધર્મ ના મહાન ગ્રંથ મહાભારત નો એક ભાગ એટલે "શ્રીમદભગવદગીતા" માં ભગવાને પોતે આપણને જીવન ના બધા જ પ્રોબ્લેમ ના સોલ્યુસન્સ આપ્યા આવા શ્રીકૃષ્ણ નું વર્તમાન સમય માં કેટલું માન?

મારી આગળ ની પોસ્ટ માં પણ ભક્તિ વિષે સમજણ પાકી કરી હતી. હાલ જુગાર રમવો એ  જ જન્માષ્ટમી અને ભારત ના તિરંગા જોવા અને બતાવવા એ જ સ્વાતંત્ર દિવસ ? ભાઈ દેવાંગ પટેલ પેલા "જલસા કર બાપુ જલસા કર" ગીત ના રચયિતા એમણે એમના સોંગ માં બધી જ નાની નાની વાતો વર્ણવી છે, જે સાંભળતા જ હાસ્ય છૂટી જાય પણ જલસા કરતા કરતા કઈ રીતે આપણી આ કુટેવો દુર કરી શકીએ એ જ આપણે સમજવાનું છે.

પણ કૃષ્ણકાંત ઉનડકટે યંગસ્ટર્સ ને પ્રોત્સાહન આપ્યું છે. ન્યુઝ માં મેં વાંચ્યું આમનો એક આર્ટીકલ હતો 15 મી ઓગસ્ટ ના દિવસે, જેમાં દુનિયા માં સૌથી વધારે યુથ ધરાવનાર દેશ ભારત માં યંગસ્ટર્સ પોતાના કામ અને ધ્યેય માટે વેલ ફોકસ્ડ છે. વાત પણ સાચી જ છે. 2014 માં ભારત નું રાજકારણ બદલવામાં સૌથી મોટું યોગદાન યુથ નું છે, અને આઈટી ક્ષેત્ર ને એકલા હાથે ધમ-ધમાવનાર આ યંગસ્ટર્સ જ છે. પણ પ્રત્યેક દિવસે ભક્તિ અને દેશભક્તિ હોવી જરૂરી છે. નઈ કે ફક્ત ઈન્ડીપેન્ડેસ અને જન્માષ્ટમી નાં દિવસે જ.

લબૂક :- 

"ચલ થઈએ ફના દેશ માટે હું અને તું,
જેમ થાય ફના ચાલુ બાઈક પર જીવ-જંતુ"

ફ્રેન્ડશીપ ડે અને હું.

ફ્રેન્ડશીપ ડે તો સારો રહ્યો (સારો એટલે ટકા ટક). આમ તો ઉજવ્યો હોય એમ કેહવાય કેમ કે ત્રણ મિત્રો ફરીથી ફરવા ગયા હતા. નરોડા માં મીની કાંકરિયા છે ત્યાં. હા તો એમાં શું?? નાં જવાય?? મહત્વ ની બાબત એ હતી કે મિત્રો સાથે હતા. પછી ભલે ને જગ્યા ગમે તે હોય.

દિવસ ની શરૂઆત જેમ થવાની હતી એમ જ થઇ (વોટ્સએપ થી)  આજે કૈક વધારે પડતા મેસેજ હતા. ત્યાર બાદ રવિવાર હતો એટલે વિચાર્યું કે થોડો આરામ કરી લઉં. પણ તમને લાગે છે કે આપણા મિત્રો આરામ કરવા દે.?? વિચાર્યું હતું એનાથી ઉલટું થયું, જેવો આમ આરામ કરવા જતો જ હતો ત્યાં તો યાર!! એક મસ્ત અને નજીક નો મિત્ર ગૌરાંગ અને એનો મિત્ર (એટલે મારો દુર નો મિત્ર) બંને ચાર કિલોમીટર દુર થી સ્પેસીઅલ કેસ માં અમને (હું અને વીરેન્દ્ર) ને મળવા આવ્યા, સારી ફીલિંગ આવી હતી

હવે ઘરે આવે એટલે શું થાય? આપણી પોલ ખુલે કાં તો પછી આપની પર્સનલ વાતો સામે આવે ( મમ્મી-પપ્પા સામે ) જો કે બચી ગયો, વાતો કરવા અમે નક્કી કર્યું કે ક્યાંક બહાર જઈએ, ઘર છોડી દઈએ ( 3 - 4 કલાક માટે ), તો નીકળ્યા ત્યાંથી અમે ગૌરાંગ ના ઘરે, એ અમારે ત્યાં આવ્યો અમે કેમ રેહવા દઈએ એનું ઘર, તો બદલો લઇ જ લીધો, આ એ જ વહેલાલ છે જ્યાં અમે 10 સુધી ગ્રેજ્યુએટ થયા  ;) ;) 

હવે આટલે સુધી આવ્યા જ છીએ તો વિચાર્યું કે બીજા લઠ્ઠાઓ ને મળી ને જ જઈએ, હવે વારો આવ્યો સુનીલ નો એના ત્યાં ગયા તો એ પણ કોઈને હેરાન કરવા નીકળેલો ( એ પણ ઘર છોડતો હતો ) એને થોડું ઘણું મળ્યા પછી બીજી મિત્ર ના ઘરે ગયા, ધ્રુવીષા ને જેવો ફોન કર્યો એવો જ મસ્ત આવકાર મળ્યો, એના ઘરે બેસીને મસ્ત આઈસ-ક્રીમ ખાઈને નીકળ્યા રામ ભરોસે.

ત્યારબાદ ત્રિપુટી નીકળી નરોડા જવા કાંકરિયા (મીની) ની ટીકીટ લઈને પ્રવેશ કર્યો સાંજ નું વાતાવરણ હતું, ફીલિંગ્સ તો વધતી જ જતી હતી. વાતો તો પેટ ભરી ને કરી બીજા ભાઈ બંધ અને બહેનપણીઓ ને મળ્યા સારું લાગ્યું, એના એક બે ફોટોસ મુકું છું જોઈ લો,

આજે ગણવા બેસ્યો કે સાલું  મારે કેટલા મિત્રો છે? (મુર્ખામી). પછી યાદ આવ્યું કે ફેસબુક માં 450 અને બીજા ઘણા બધા, પણ અમુક એવા મિત્રો કે જેમને યાદ કરી ને ફેસ પર મસ્ત સ્માઈલ આવી જાય,  જેમ કે કોલેજ ના મિત્રો અજય, હર્ષિલ, ગુંજન, વિક્રમ, હેમિક્ષ, અભિષેક.

 મારા બ્લોગ ની પ્રથમ પોસ્ટ ના બધા જ મિત્રો, જેમણે મારી લાઈફ સુંદર બનાવી એવા મિત્રો, કરીઅર ને સાથે સાથે મિત્રો વધતા ગયા. patel vaibhavi,  Mori Usha  Dhananjay, Priyesh, Narendra, Akshay, Jarpita, Pinkal, Hina, Namrata,  Suresh.  ABHISHEK JUNGI


શ્રીની, ધર્મેશભાઈ, રાહુલભાઈ, સંગ્રામભાઇ, ચિરાગ, રીતેશ, અરુણભાઈ, આ મિત્રો  સાથે ફ્રેશર થી કરિઅર ની શરૂઆત કરી.

હાલ જે જગ્યાએ સુખ (દુ:ખ) ભોગવી રહ્યો છું ત્યાના મિત્રો Jignesh, Yogesh, Ninad, ABHISHEK, Kaushalbhai, Kishan, Niravbhai, Shesan, Aakash, Hitendra, Ashishbhai સાથે થોડો ઘણો પ્રોફેસનલ બન્યો એવું લાગે છે. આ ભેરુઓ સાથે દરરોજ ની મસ્તી જોબ ને હળવી કરી નાખે છે.

અભિષેક :- એક માત્ર એવો મિત્ર કે જેની સાથે કોલેજ ના ત્રણ વર્ષ, ટ્રેઈનીંગ અને જોબ પણ સાથે જ કરી હોય હાલ પણ સાથે જ છીએ. (ટેગ લાઈન : ઉઈઈ )

યોગેશ :- ( ટેગ લાઈન : અલ્યા હહાહાહા  !!!!! અચ્છા હા. )

જીગ્નેશ : (ટેગ લાઈન : એવું તો ના હોય. હમ્મ્મ્મ )

ધનંજય :  ( ટેગ લાઈન : તારી માસી ને ઢોકળા ભાવે )

ગૌરાંગ : ( ટેગ લાઈન : હું મારી વાત કઉં તને??, આપણને આમ જ ફાવે , આમ ના ફાવે.)

વીરેન્દ્ર : ( ટેગ લાઈન : યાદ જ નથી  સોરી )

મારા બધા જ મિત્રો ના મારા બ્લોગ પોસ્ટ માં કરેલા આવા ઉલ્લેખ બદલ કોઈને કઈ પણ વાંધો હોય તો.......
.
.
.
.
મારે શું હું તો આવું જ લખીશ.

મિત્ર વિનાની દુનિયા તો વિચારી પણ નથી સકાતી. આ વાંચશે તો મને પણ એમ જ  કેહ્સે.
"મારી લીધી હોંશિયારી?"

આ સાંભળવા માં પણ અલગ મજા છે. ગલતી સે મિસ્ટેક હુઈ હો તો માફ કર દેના. ઓકે?? અહી કમેન્ટ્સ નું ઓપ્સન તમારા માટે જ છે.

અભી અભી મિલી ખબર કે અનુસાર મેરે દોસ્ત મેરે બીના હી કુછ ખીચડી પકા રહે હે, તો હું જાઉં એમની ખીચડી વગારવા માટે ત્યાં સુધી આવજો, મળીએ આવતા બ્લોગ-પોસ્ટ માં, આ જ બ્લોગ પર.

 લબૂક :-

" વો બોલા, તેરે સાથ મુસ્કાન મેરી જાતી નહિ,

 મેં બોલા, ઔર તેરે બીના કિક મુજે  મિલતી નહિ "

તકિયા-કલામ જિંદાબાદ ... ચૂંટણી તારા ઝાઝા ખેલ - 2

દેશ માં અત્યાર સુધી પહેલી વખત એવું બન્યું છે કે ભારત ના યુવાનો ( છોકરા અને છોકરીઓ બન્ને ) 14 ફેબ્રુઆરી કરતા 16 મે ની રાહ જોતા હતા. ફાઇનલી ગુજરાત નો નાથ ભારત નો નાથ બની ગયો. ( સોરી બની ગયા ). હું  આ પોસ્ટ કરવા પણ 16 મે ની જ રાહ જોતો હતો. ચૂંટણી  તારા ઝાઝા ખેલ પોસ્ટ કરી ત્યારે જ વિચાર્યું હતું કે હવે નેક્સ્ટ પોસ્ટ રીઝલ્ટ પછી જ મુકાશે.

એટલી આતુરતા થી રાહ જોતો પૂરો દેશ કે જેમ પોતાની મનગમતી વાનગી 16 મે ના દિવસે જ મોઢામાં જવાની હોય. હવે ગુજરાતી છીએ તો ધન્યવાદ તો પાઠવવા જ રહ્યા. "માનનીય નરેન્દ્ર ભાઈ મોદી ને ભારત ના વડાપ્રધાન બનવા બદલ સર્વે ગુજરાતીઓ તરફ થી ખુબ ખુબ અભિનંદન". સાથે સાથે ગુજરાત ના બનનાર ભાવી મુખ્યમંત્રી ને પણ અભિનંદન.

સોસીઅલ મીડિયા માં અને જાહેરાત માં તકિયાકલામ એ જોર પકડ્યું હતું. બધા ની બધી જ વાતો ને મારી-મચોડી ને એક નવો જ વળાંક મળે. હવે મોદી સાહેબ ના સપોર્ટર્સ એ જાહેરાત કરી હશે કે જો મોદી સાહેબ ઇલેક્સન જીતે તો ચા મફત. હવે દેશ ની જનતા ની માંગણી અને તકિયાકલામ જુઓ.
 "જો વિજય માલ્યા ની સરકાર આવે, કીન્ગ્ફીશર ની બોટલસ ફ્રી ??????" તો દારૂડિયાવ નો તકિયાકલામ કૈક આવો હોય.

"અગલી બાર માલ્યા સરકાર"
"જીતેગા ભાઈ જીતેગા વિજય માલ્યા જીતેગા"

હવે એમના ઉમેદવાર યુવરાજસિંહ અને વિરાટ કોહલી હોઈ શકે. આમ આદમી પાર્ટી  ના હારવાનું મુખ્ય કારણ એમનો તકિયા કલામ નહતો. મુખ્ય તકિયાકલામ મને ધ્યાન માં છે તે લખું છું.

1. અબકી બાર, મોદી સરકાર.
2.  હર હાથ શક્તિ, હર હાથ તરક્કી.
3. અચ્છે દિન આને વાલે હે.
4. જનતા માફ નહિ કરેગી.

હવે આ તકિયાકલામ ની લોકો એ જે વાટ લગાડી છે. મનોરંજક છે. અબકી બાર , પર થી તો આખી લાયબ્રેરી ભરાય એટલા નવા સ્લોગન ચઢી ગયા. હર હાથ શક્તિ પર થી એક રમૂજ એવી પણ બની કે " હર હાથ રેવડી , હર હાથ લોલીપોપ". મોદી સાહેબ એ અયોધ્યા માં રામ મંદિર ની કૈક વાત કરી હતી. તો આપના ભીક્સુક ભાઈઓ પણ કઈક આવું બોલે. " અગલે 15 સાલ , સિર્ફ મોદી સરકાર " કેમ કે એ ત્યાં આગળ ભીખ પણ સારી રીતે માંગી શકે. પણ આ ચુંટણી  માં જાણવા જેવું એ હતું કે જેટલું મતદાન ભારત માં થયું એટલું તો ચીન અને અમેરિકા ને બાદ કરતા બીજા કોઈ દેશ માં પોપ્યુલેસન પણ નથી. ( ધન્ય છે ભારત ની જનતા ને ). હવે યાદ રાખવાનું એટલું જ કે આપણે આપણો વિકાસ કરવાનો છે. ભારત ના વિકાસ માં પોતાનો વિકાસ પણ જોવાનો છે. આપણા સપના આપણે પુરા કરવાના છે. હજુ તો મારી ઉંમર જ ક્યાં છે કામ કરવાની આવું કહેવા વાળા યંગસ્ટર્સ ને જનતા માફ નહિ કરે. તો સમજો અને ઘરની જવાબદારી ઉપાડો.

લબૂક :-

"યાર , આ ચુંટણી માં જલસો તો હોવો જોઈએ કેમ નથી???

જવા દે , એના માટે પણ ટાઇમ હોવો જોઈએ.. જે નથી."
.

ચુંટણી તારા ઝાઝા ખેલ..

ભારતભર માં એક જ નારો ચાલી રહ્યો છે. ચુંટણી હોટ ટોપિક બની ગઈ છે. પુરા દેશ માં જ્યાં જુઓ ત્યાં પ્રચાર ચાલી રહ્યો છે. લોકો જોર-શોર થી પોતાની પાર્ટી ને જીતાડવા માટે તૈયારી કરી રહ્યા છે. ક્યાંક મીટીંગ તો ક્યાંક જાહેરસભા, તો વળી ક્યાંક ભાષણ, જે એક્ટર અને એક્ટ્રેસ મીડિયા માં ઈન્ટરવ્યું બહુ જ સાદી રીતે આપતા હોય એવા મોટા મોટા ફિલ્મ અભિનેતા અને અભિનેત્રીઓ પણ હવે ભાષણ આપતા થઇ ગયા. (બોલીવૂડ માં કઈ કામ નઈ મળતું હોય). અવનવા ભાષણ કે જે સાંભળી રહેવાનું મન થાય. (ફક્ત સાંભળવાનું જ).

આ એટલે કહું છું કે કાલે નરોડા માં પરેશ રાવલ આવ્યા હતા. (કન્ફયુઝ :- હતો કે હતા), થોડું ઘણું સાંભળ્યું અને એવું લાગ્યું કે બોસ રાજકારણ માં જ ગડી જાવ, (પછી જોબ યાદ આવી તો માંડી  વાડ્યું), સાલા નાના છોકરાવ ને પણ હવે તો ઇન્ટરેસ્ટ પડે છે, મારા ફળિયા માં એક છોકરો આવી ને મને બે આંગળી બતાવી ને કહે "આ બંને માંથી એક આંગળી પકડો" મેં એમ કર્યું તો જોર જોર થી બોલવા લાગ્યો કે "રાહુલભાઈ , અબકી બાર મોદી સરકાર"

ચર્ચા પણ અજીબ-અજીબ થાય છે, થોડાક અંશ

"આ મોદી ને થોડો વારાણસી માં માર પડશે" (વોટ ના માર ની વાત છે.)
"કેજરીવાલ નઈ  આવે જોઈ લેજો , લખી આપું !!"
"કિરણ ખેર ને કોઈ કહો આપો કે 'લાડલે દી મમ્મી બિગડ ગઈ' "
"હવે પરેશ રાવલ કહેશે કે "વોટ દે-દે રે બાબા"

ક્રિકેટર્સ પણ મેદાન માં છે, ક્યાંક કાંટે કી ટક્કર તો ક્યાંક ટક્કર કે કાંટે, આ સિવાય પણ બીજું ઘણું હતું પણ હવે વધારે નથી કેહવું કેમ કે , આમાં મારી પોસ્ટ ખતમ જ નઈ થાય.

ચુંટણીની આડઅસર:-

જ્યાં જુઓ ત્યાં આડઅસર જ જોવા મળે છે. કોઈને પણ પૂછો  મસ્ત એવી આળસ લઈને કહશે " આઈ એમ નોટ ઈન્ટરેસ્ટેડ". એક ઉદાહરણ મારું આપું, હું જ ચુંટણી ની ભાગ-દોડ માં બસ માંથી પડી ગયો કેવી રીતે એ લાસ્ટ માં લખ્યું જ છે. સભા અને ભાષણ માં જ ગણી તકલીફ પડે છે. હવે એમના પ્રચાર માટે ત્રણ ચાર રસ્તા બંધ હોય તો યાર તકલીફ તો આપણ ને જ પડે ને. હવે ભલે મસ્ત મજાના સમાચાર દેશ વિદેશના ઇન્ટેરેસ્ટીંગ હોય પણ ફ્રન્ટ પેજ માં તો રાજનીતિ સિવાય બીજું કઈ હોય જ નઈ, જ્યાં જુઓ ત્યાં બેનરો અને પોસ્ટરો આને લગતા જ જોવા મળે, આવું ચાલે યાર??, તકલીફ થાય છે, આપણ ને જ એમના વિષે ખરાબ વિચારવા પર મજબૂર કરે છે આ લોકો. આના સિવાય પણ ગણી તકલીફ સહન કરવી પડે છે, આપણાં જેવા બીજા લોકો પણ હેરાન પરેશાન થઇ જાય એનું કઈ જ નાં જુએ આ લોકો, ખેર છોડો આનાથી લાભ પણ છે, કયા એ વાંચો.

 ચુંટણીના લાભાલાભ :-

 હવે કૈક તો લાભ હશે એટલે જ તો ચુંટણી સ્ટાર્ટ કરી હશે, શું હશે એ તો વોટ આપ્યા પછી ખબર પડે, કેટલાય ને તો વોટ પહેલા જ ખબર પડી જાય કે શું લાભ થાય, પણ હવે સીરીયસલી યાર આના ફાયદા આપણા જીવન પર અસર કરે જ છે, આપણા સંતાનો (તમારા) માટે પણ લાભદાયક છે, વોટ કરવો એ સારી બાબત છે, બધી રીતે, પણ ખબર નઈ કેમ લોકો એના થી ભાગતા હશે?? મતદાન એ આપણી ફરજ છે, જેના પર દેશ નું ભવિષ્ય છે, તેમાં આપને ભાગીદાર થવું જોઈએ, હવે લોકો ના કેટલા કારણ હોય મતદાન ના કરવાના??

1. મને શું ફાયદો છે??
2. હું મારો ટાઇમ કેમ બગાડું??
3. જો હું વોટ કરીશ તે હારી જશે તો મને ખોટું લાગશે??
4. મને કઈ જ ફરક નથી પડતો.
5. ...
6. ...
7. ...
8. ...

શરમ છોડો, બહાના છોડો, અને મતદાન કરો.

પોસ્ટ લખ્યા પછી અપલોડ કરેલો છે

ચુંટણી થી મને થોડું નુકશાન થયું છે. જણાવી દઉં છું. હું કાલે સાંજે જોબ પર થી ઘરે જતો હતો ઉતાવળ માં હતો. કેમ કે મને ખબર હતી કે નરોડા પરેશ રાવલ સભા સંબોધે છે. તો બે રસ્તા બંધ હશે. (હતા જ). તેથી હું

લબૂક :-

"ખીચોખીચ ભરેલી બસ માં પાછળ ના દરવાજે લટકી પડ્યો..

 લટકવામાં ને લટકવામાં એવો પડ્યો કે રોડ પર જઈને અટકી પડ્યો..

વાગ્યું મને માથે, કેડમાં અને વળી ઢીંચણિયે..
ડ્રેસ્સિંગ પણ કરાવ્યું ખરું કર્યું આ ચૂંટણીએ.. "

ગુડી પડવા - 2014

મહારાષ્ટ્ર નો તહેવાર ગુડી પડવા. તમને એમ કે આ ભાઈ કૈક ગુડી પડવા ના તહેવાર વિષે કહેશે, પણ એ દિવસે મને ખુબ જ તાવ આવેલો. અને મને આ તહેવાર વિશે કઈ ખાસ માહિતી નથી, પણ મારા ઘરે મારા પપ્પા એ ગુડી બનાવી હતી એના બે ત્રણ ફોટોસ મુકું છું. તમને કંઈ વધારે માહિતી હોય તો ટીપ્પણી માં જણાવી શકો છો. થોડું-ગણું ઈન્ટરનેટ પર થી વાંચ્યું હતું.

ગરમી તું જ રડાવતી ઘરમાં !!

"સુરત તું જ રડતી સુરત" પર થી શીર્ષક છે. ડુપ્લીકેટ છે. પણ સાલું  ટાઈટલ માં જ ગરમી લાગે છે. હું અને મારા ભેરુ ગૌરાંગ પટેલ અને વીરુ સાથે થોડી ગરમી વિષે વાત થઇ એ લખું છું. અમે બેઠા બેઠા વાતો કરતા હતા એમાં ગરમી થી ત્રાસી ને મારા મોએ એમ જ નીકડી ગયું કે

" યાર , આ બઉ હેરાન કરે છે"
 તો બન્ને મંડાઈ પડ્યા બોલવા કે " કોણ છે ?? બોલાવ એને જુડી નાખીએ , એવો મારીએ કે કદી કોઈને હેરાન નાં કરે " (ખાલી બોલવા વાળા જ , કઈ કરે નઈ)
મેં કહ્યું "અરે હું તો ગરમી ની વાત કરું છું"
તો પરસેવો લુછતા કહે "એ તો અમને પણ હેરાન કરે છે?"
મેં પૂછ્યું કે "તમે ગરમી વિષે શું વિચારો છો?"
તો વીરુ કહે "ગરમી એક એવી ચીજ છે જે મને બપોરે બઉ જ લાગે છે"

ગૌરાંગ તો નિબંધ લખવા નો હોય એમ બોલવા માંડ્યો " ગરમી માં લોકો ફરવા જાય ને , રાત્રે બરફ ની લારી ઉપર કે પછી હોટેલ માં આઈસ્ક્રીમ ખાવા જાય , સ્વીમ્મીંગ પુલ માં પડે ને વોટરપાર્ક માં જાય , ફલાણું, ઢીંકણું, વગેરે વગેરે"

ગૌરાંગ એક ફોટોગ્રાફર છે તેથી તેણે લગ્ન ની જ  વાત કરી " ઉનાળા માં લગ્ન પ્રસંગ એટલે વરરાજા તો કાગડોળે રાહ જોવે (કેમ કે શહીદ થવાનું હોય ને એનો પણ આનંદ હોય) બિચારા જાનૈયાઓ ને ગરમી ભોગવવી પડે. અમારે ગામ માં તો જો લગ્ન પ્રસંગે લાઈટ ગુમ તો અડધા ઉપર જાન ગુમ. પછી ભોજન પણ વધે અને વળતી વખતે લક્સરી માં જગ્યા પણ વધે."

મેં કહ્યું "યાર તને ગરમી નો અહેસાસ છે કે નઈ?"
તો મને કે " હા છે ને ઘણો બધો અહેસાસ એક કિલો જેટલો, બપોરે તો પાંચ દસ કિલો અહેસાસ થઇ જાય એવી ગરમી છે. "
મેં કહ્યું " રહેવા દો  બન્ને , ગપ્પા ના મારસો હજી એટલી ગરમી પણ નથી જેટલી તમે કહો છો "
વીરુ કે " તને ક્યાંથી ખબર હોય તું તો આખો દિવસ એસી માં જ હોય છે "
હું " હા , એ પણ છે "
ગૌરાંગ " તમને નથી લાગતું આપણે પણ ગરમી નો આનંદ ઉઠાવવો જોઈએ "
વીરુ " ગરમી નો આનંદ ના ઉઠાવાય એનું તો બેસણું થાય "
ગૌરાંગ " તું સમજ્યો નઈ , હું એમ કઉ છું કે આપને પણ ક્યાંક ફરવા જઈએ"
હું " સહમત "
વીરુ " સહમત "
ગૌરાંગ "  તો , પાક્કું "
આ રવિવારે નાની અમથી મજા કરીએ

આ નક્કી થયા પછી છુટા પડ્યા. હવે જોઈએ કે આ મીસન ક્યાં સુધી સકસેસ થાય છે? આ સિવાય ઘણી વાતો થઇ. પણ એ નથી લખતો.

ગરમી માં સૌથી વધારે ફાયદો હોય તો બરફવાળાઓને, બરફ ના ગોળા ની લારી વાળા ને, આઈસ્ક્રીમ ની દુકાન વાળાને, જીમ માં પણ ભીડ વધી જાય. ઉનાળા ની રાહ જોવામાં પણ વિદ્યાર્થીઓ નો જ નંબર આવે કેમ કે વેકેસન આવે ને એટલે એમને પણ મામા-માસી ના ઘર યાદ આવે.

શિક્ષકો ખુશ નઈ થાય કેમ કે દસમાં અને બારમાં નાં વિદ્યાર્થીઓ ના માથા(પેપર) ચેક કરવામાં વ્યસ્ત હશે ને. ગરમી એને ગમે જેના ખિસ્સા ભારે અને ભપકા પણ ભારે હોય.

ઉનાળા નો અહી ક્રેજ નથી પણ પશ્ચિમી દેશો માં તો કાગડોળે રાહ જોવાતી હોય. ક્યારે સમર આવે ને ક્યારે બીચ પર જઈએ?

લબૂક:-   

 "યહા ભી હોગા વહા ભી હોગા 

ક્યાં

ક્યાં 

ક્યાં 

કેરી કા ઢગલા, ઢગલા, ઢગલા" 

 

હોળી - 2014

હોળી આવી ને ગઈ. સાલું આવું બધા તહેવારો માં થાય છે. સ્પેશીઅલી આપણો મનગમતો તહેવાર હોય અને જો કંઈક યાદગાર નાં બને અને મજા આવે એવું નાં થાય ત્યાં સુધી મન ને સંતોષ નથી થતો.

દર વખતે કોઈ તહેવાર હોય તો એ તહેવાર ની આગળ "હેપ્પી" લગાડી ને એક જ શબ્દ નો વરસાદ શરુ થઇ જાય. ફેસબુક કે વોટ્સએપ માં એક જ શબ્દ અલગ અલગ રીતે કહેવામાં આવે..
એ પછી લાસ્ટ માં પોતાના રંગ વાળા ફોટોસ મૂકી ને સેલીબ્રિટી બની જાય.

"હેપ્પી હોલી", 

 મારી વાત કરું તો મેં આ વખતે ધૂળેટી નથી મનાવી. હા પણ ઘણા લોકો ને બઉ જ મજા આવી હશે તો બીજા ઘણા તો રાહ જોતા હશે કે ક્યારે હોળી આવે. હા મજા ની વાત છે ત્યાં સુધી ઠીક પણ એની પાછળ નો ભાવાર્થ ખબર નઈ હોવો એ આપણા માટે ગૌરવ ની વાત નથી.

મેં પહેલા પણ વાત કરી હતી. મહાશિવરાત્રી - 2014 વાળી પોસ્ટ માં. હોળી ના પર્વ માં પૌરાણિક કથા જોડાયેલી છે. જેને જાણવી અનિવાર્ય છે. સાલું પણ અહી તમને જ લાગે કે આ પોસ્ટ લખે છે કે નિબંધ લખવા બેઠો છે.

પણ આ વખતે દેશ-વિદેશ થી મહેમાનો આપણા દેશ માં આવ્યા હતા. દર વર્ષે આવે જ છે. ભારત નો દરેક તહેવાર ખુબ જ મસ્ત હોવાથી વિદેશીઓ અહી થી ક્યાય જાય જ નઈ અને આપણને "ઘર કી મુર્ગી દાલ બરાબર" છે.

ભારત ની સંસ્કૃતિ આજની પેઢી ને ગળે ઉતારવી કઠણ છે. હાલ ગામ માં હોળી પ્રગટાવાતી હતી. મારા ભાઈબંધ ને એની મમ્મી એ કહ્યું કે "દીકરા ચાલ હોળી ના દર્શન કરવા. એ બોલ્યો કે "નથી આવવું, એમાં શું દર્શન કરવાના!!" આ એક ગ્રંથી જે યંગસ્ટર માં ભક્તિ ને અલગ દિશા માં દોરી જાય છે.

પોતે તો તીનપત્તી રમવા માં મસગુલ હતો.
એવું નથી કે રંગો નો ઉત્સવ ફક્ત ભારત માં જ ઉજવાય છે. આવા જ તહેવાર ઓસ્ટ્રિયા, બેર્લીન, યુરોપ શહેરો માં, જર્મની જેવા બીજા ઘણા દેશો માં આ જ તહેવાર ઉજવવામાં આવે છે. પોતાની અલગ અલગ વિશેષતાઓ સાથે. ભારત તહેવારો નો દેશ છે, ઋષીઓ નો દેશ છે, સંસ્કૃતિ નો દેશ છે, શ્રદ્ધા નો દેશ છે. જે આપણે કદી નાં ભૂલવું જોઈએ.

જતા જતા એક વાત કહી દઉં કે આપણે પશ્ચિમ નાં દેશો ની કોપી કરીએ છીએ.. જેમ કે,
ફોરેન ના ફોન, કપડા, ફેશન, ફિલ્મ, સ્ટાઈલ,  આ બધું જ આપણને ત્યાનું સારું લાગે પણ ત્યાની સ્વચ્છતા ની નકલ કેમ નથી કરતા. તેઓ દરરોજ ચર્ચ માં જઈને બાઈબલ વાંચે છે. જે આપણને ધ્યાન માં જ નથી.
અહી ના કેટલા યંગસ્ટર "શ્રીમદભગવદગીતા" વાંચે છે. રોજ નઈ પણ જીવન માં એક પણ વખત વાંચી છે??


લબૂક:- 
                          "હવે પૂછું કે તમારા ગાલ, બાલ, તેમજ હાલ કેવા હતા ?
                       આ હોળી વખતે પણ ચર્ચા માં તો રાહુલ અને મોદી જ હતા"

મહાશિવરાત્રી - 2014

બુધવારે સાંજે જોબ પર થી સીધો જ મારા મામા ના ઘરે ગયો (બોલાવ્યો હતો). મારા મામા રસોઈયા અને વહેપારી છે. અને તેમને પોતાની ચાર દુકાન છે. કિરાણા ની અને મીઠાઈ ની તથા ફરસાણ ની પણ. અને પાન પાર્લર. તો ઊંટરડા મહાદેવ નજીક દેવકરણ ના મુવાડા ગામ માં ત્યાં ની મહાશિવરાત્રી ની મજા માણવા ગયો હતો..

*સાંજે કુશલ , ચિરાગ , જીતું , માટે મન્ચ્યુંરીયન લઇ ગયો હતો તો બધા એ સુતી વખતે નાસ્તો કર્યો અને whatsapp માં માથું નાખતા-નાખતા સુઈ ગયા.

*ત્યાં જઈને સવારે ફ્રેશ થઈને પહેલા તો મહાદેવ ના મંદિરે ગયા (8.00AM).

*ત્યાં ભાંગ પીવાની ઈચ્છા હતી પણ ફક્ત બે ચમચી પ્રસાદ જ લીધી.

*પછી ઘરે આવીને પણ મહાદેવ ની પૂજા કરી (9.30AM).

*પૂજા ખતમ થયા પછી જમીને દુકાને ગયા (11.30AM).

*ત્યાં ચેવડો, ખજૂર, ખમણ, જલેબી, આ બધુ વેચ્યું. (મજાક-મસ્તી તો ચાલુ જ હતી).

*સાંજે હું અને જીતું ઘરે જવા નીકળ્યા (કડાદરા)(5.00PM)

*સાંજે સુતી વખતે પરિવાર સાથે શક્કરીયા ખાધા (10.00PM).

*થોડા દર્શન whatsapp વાળા શંકરજી ના પણ કર્યા પછી સુઈ ગયો.

*એકંદરે મહાશિવરાત્રી સારી ગઈ.

બસ આટલી નાની પોસ્ટ આ તો અમે પણ કર્યું હતું... એમાં શું નવું છે?

તો ના જ હોય ને, મને તો શ્રી-લંકા અને ઇન્ડિયા ની ક્રિકેટ મેચ ની વધારે એકસાઈટમેન્ટ હતી. તો હોય જ ને. કેમ કે હવે ની ભક્તિ પાંગળી થઇ ગઈ હોય એમ કહેવાય. મારા માટે ભક્તિ માં ભાવભક્તિ અને કૃતિભક્તિ નો સમન્વય હોય. અને ભક્તિ પાછળ નો સાચો અર્થ ખબર હોવો જરૂરી છે. (ફરજીયાત છે). આપણે કરેલી સામાન્ય ભક્તિ પાછળ નો સાચો અર્થ આપણને ખબર નથી હોતો. 

જેમ કે,

1. મંદિર માં પ્રથમ પગથીયે જ કેમ પગે લાગવું?

2. મંદિર માં બેલ કેમ વગાડવો? (કે બહારથી દર્શન કરનારા ચાલુ વાહને હોર્ન કેમ વગાડે છે?)

3. ગરબા ગોળ જ કેમ ગાવા?

4. માથે તિલક કેમ કરવો?

5. પ્રસાદ જમણા હાથે જ કેમ લેવો?

6...

7...

8...

9...

10...

કદાચ આના કારણે જ નવી પેઢી ને ભક્તિ કરતા શરમ આવે છે.

જય ભોલેનાથ.

હમ કિસી સે કમ નહિ...

કોઈ મને પૂછે કે તારી ઉંમર કેટલી છે. તો હું કહું:- i am 19 year old.

પણ જો આ દાદા ને કોઈ પૂછે તો એમણે એવું કહેવું જોઈએ કે :- i am 86 year young.

આ દાદા 86 વર્ષ ના યુવાન છે. હા એમને યુવાન જ કહેવાય કે જે આમના જેવું જીવન જીવતા હોય.

નામ:- ભલાભાઈ મગનભાઈ પ્રજાપતિ.
જન્મ તારીખ :2/3/1928

તેઓ 7 ધોરણ સુધી ભણી ને ગ્રેજ્યુએટ છે.

ભલાભાઈ ની ઉંમર 86 વર્ષ હોવા છતાં પોતાનો ખર્ચો પોતે ઉઠાવે છે. એ પોતે નોકરી કરે છે. તમને એમ કે એમનો કોઈ દીકરો નૈ હોય. પણ એમને ત્રણ દીકરા છે. બે દીકરા નોકરી કરે છે. સારી એવી જગ્યાએ સારું એવું વળતર મેળવે છે. અને એક દીકરા નો અભ્યાસ હજુ ચાલે છે.
હવે એમ થશે કે કોઈ એમને પોતાની સાથે રાખતું નઈ હોય પણ એવું પણ નથી એ પોતાના સૌથી મોટા દીકરા સાથે રહે છે. ખાસ વાત એ લાગી કે આટલી ઉંમરે પણ એ નોકરી કરે છે.

અને એમની ધગસ જોઇને કોઈ યુવાન માણસ ને પણ શરમ આવે. દરરોજ અમારી સાથે બસ માં આવે. ભલાભાઈએ આખું ભારત ભ્રમણ કરેલું છે. નરોડા-દહેગામ રસ્તા પર પરઢોલ નામ ના ગામ માં રહે છે. પોતાનો ઈંટવાળો પણ ચલાવે છે. ઈંટ ઉત્પાદક માં એમનો પોતાનો ઈંટવાળો આજુ બાજુ ના ગામ માં ઘણો પ્રખ્યાત છે. ઇન્ડિયા નું કોઈ એવું રાજ્ય નથી કે જ્યાં ભલાભાઈ નઈ ગયેલા હોય... તેઓ એ સાબરમતી આશ્રમ માં રેંટીયો ફેરવેલો છે આઝાદી સમયે. અમે કહ્યું કે તમે આટલી ઉંમરે કઈ રીતે કામ કરી શકો.. તો કહે બીજા કોઈ પાસે કઈ માગવું નહી એ જ આપણો ધર્મ છે. આને અયાચક વ્રત કહેવાય જેમાં કોઈ પાસે હાથ લાંબા નહિ કરવા પોતાના હક નું પણ માગવું નહિ.

તે પોતે વાત કરતા કહે હું દિલ્લી, મુંબઈ, પંજાબ, ઉત્તરાખંડ, માં બે-બે મહિના રોકાયેલો છું. આ ઉત્તરાખંડ ની હોનારત વખતે તેઓ ત્યાં સેવા કરવા માટે ગયેલા. તેઓ એટલા વિનમ્ર સ્વભાવ ના છે કે કોઈની પણ વાત ને ખુબ જ હળવાસ થી લઇ શકે. આવા વિચારો એ ગાંધીજી ની દેન સમજે છે. તેઓ સંસ્કૃતિ ની વાત કરતા થાકતા નથી. અને તેઓ આ નવી પેઢી વિષે પણ કહે છે કે સંસ્કૃતિ જાળવી રાખવાનું કામ આજના યુવાનો જ કરી શકશે.
તેમનો પૌત્ર જોબ કરે છે. મેં આવો પ્રથમ પરિવાર જોયો જ્યાં દાદા, પુત્ર અને પૌત્ર ત્રણે જોબ કરતા હોય. એમના અનુભવો વિષે જાણી ને ઘણી ખુશી મળી. એ અમારી સાથે ગમ્મત કરે. રમુજી સ્વભાવ તો ખરો જ. તેથી જ તો અમારી દોસ્તી થઇ. 86 વર્ષ ની ઉંમર માં પણ એમનું શરીર અને સ્વાસ્થ્ય જોઇને લાગે છે કે હજુ 10 વર્ષ સુધી આપણી વચ્ચે જ રહે.

ટૂંક માં તેઓ પૈસે-ટકે સુખી હોવા ઉપરાંત સામાજિક, માનશીક, શારીરિક સુખ ઉપર વર્ચસ્વ ધરાવે છે.
કદાચ એમના જીવન નું વર્ણન કરતા મારા શબ્દો ઓછા પડી ગયા.. 
                                

ધન્ય છે ભલાકાકા ને.

લબૂક:-
                                              હું :- "દાદા, બોલો કે  બુઢ્ઢા હોગા તેરા બાપ"
                                             ભલાભાઈ:- "ના એવું ના બોલાય"

નિયમ એટલે ખબર છે શું?... જવાબ : નિયમ.

હા નિયમ એટલે નિયમ.  સવારે TVમાં આમીરખાન વાળી એડ જોઈ તો એ ઉપર થી લાગ્યું કે નિયમો બધા માટે સરખા છે પણ સવાલ એ છે કે લોકો નિયમો પાડતા કેમ નથી? કારણકે પોતાની જીંદગી અલગ રીતે જીવવી છે.
એમાં ટ્રાફિક રુલ્સ ની વાત હતી. "પતા હે અપના શો કોન દેખેગા?" હા એ જ. હવે મુદ્દો એ છે કે જો નિયમ હોય તો પાડવા કેમ નઈ? એ પાછળ ના પણ કારણ હોય કે ખબર નૈ હોવી કે પછી ભૂલી જવું કે નિયમ જ ખરાબ છે.
હા નિયમ ખરાબ હોય છે એ ખબર છે?

એમાં પણ નિયમો અલગ અલગ.દેશ ના નિયમ , રાજ્ય ના નિયમ , ગામ કે શહેર ના નિયમ , ફેમીલી ના નિયમ , નોકરી ના નિયમ , સ્કૂલ કે કોલેજ ના નિયમ , છોકરા ના નિયમ , છોકરીના નિયમ , ફલાણાના નિયમ , ઢીંકણાના  નિયમ બાપ રે બાપ.... હદ તો ત્યાં થાય છે કે પોતાના આગવા નિયમ બનાવી લેવાય. હા મેં તો ઘણા ના ડેસ્કટોપ પર કે મોબાઈલ માં જોયું છે કે વોલપેપર પર લખ્યું હોય "MY LIFE, MY RULES " જેમ હિટલર પણ એનો ફેન હોય...

તો પછી નિયમ તોડવા કેમ ?? (જો નિયમ યોગ્ય હોય તો). સૂર્ય કહી દે કે આજના દિવસ માટે ગુરુત્વાકર્ષણ ની રજા તો વિચારો શું થાય??? (ભારે પડે)
પ્રકૃતિ પોતાના નિયમ ભૂલી જાય તો??? આપણને તો ગૂગલ વિના પણ નથી ચાલતું.. પ્રકૃતિ ની તો વાત જ છોડો..

ઘણી જગ્યાએ નવાઈ ભર્યા નિયમો હોય છે. એ સાંભળ્યા પછી લાગે કે આવા તો નિયમો હોતા હશે?
જાણવું છે કે કયા દેશ માં કેવા નિયમો ચાલે છે? (CRAZY RULES).

તો આ લો લીસ્ટ
1. ફ્રાંસ માં માનવ ચહેરા ધરાવતી વસ્તુ વેચવા માં પ્રતિબંધ છે. ત્યાં ઢીંગલી વેચવા પર પણ કેસ થઇ શકે.
2. યુ એસ એ ના મેસેચ્યુસેટ્સ માં દિવસ માં એક વખત સ્નાન કાર્ય વગર બેડ પર જાવ તો એ ગુનો છે. અને રવિવારે આ કાયદો લાગુ નથી પડતો..
3. સાઉદી અરેબીઆમાં એક હોટલ ને તાળા મારી દેવાયા.કેમ કે ત્યાં સ્વીમ્મીંગ પુલ નો ઉપયોગ કરાયો હતો.
4. આઈસલેન્ડ ના સમોઆ માં પોતાની પત્ની નો જન્મદિવસ ભૂલી જવો ગેર કાયદેસર છે.
5. સાન ફ્રાન્સિસ્કો માં અન્ડરવેર થી કાર ધોવામાં પ્રતિબંધ છે.
6. ઇંગ્લેન્ડ માં સંસંદ ગૃહ માં મૃત્યુ ગેરકાયદેસર છે.
7. લોસ એન્જેલસ માં કોઈ વેઈટર દ્વારા કહેવામાં આવેલું વાક્ય "હું અભિનેતા છું." સાલું આ પણ ગેર કાનૂની.
8. ટેક્સાસ માં લોડેડ બંદુક થી કોઈને ધમકી આપવી ગેર કાનૂની.
9. વિક્ટોરીયા માં રવિવારે બપોર પછી ગુલાબી પેન્ટ પહેરવા ની મનાઈ છે.
10. પોર્ટુગલમાં દરિયામાં સુ-સુ ના કરી શકાય.
11. કેન્ટુકી માં તમારા ખિસ્સામાં આઈસ્ક્રીમ કોન્સ ના ભરી શકો.
12. વિક્ટોરીયા માં લાઇટ બલ્બ બદલવા માટે પરવાનગી વાળો ઇલેક્ટ્રિશિયન હોવો જરૂરી  છે.
13. સાન સાલ્વાડોર માં નશાની હાલત માં ડ્રાઈવિંગ કરતો જડપાય તો પોલીસ ની ટીમ બંદુક ના ફાયરીંગ થી મારી નાખે.
14. સિંગાપુર માં ચ્યુઈંગ ગમ ગેરકાયદેસર છે.
15. લોસ એન્જેલસ માં એક જ ટબ માં બે બાળકો ને સ્નાન કરાવવું એક ગુનો છે.
16. ઇઝરાયેલ માં તમે રવિવારે તમારા નાક ને ચૂંટાવા ( નાક માં આંગળી નાખવી )માટે કાર્યવાહી કરી શકે છે.
આ તો સેમ્પલ છે. બીજા ગોડાઉન માં પડ્યા જ છે.
આવા અજીબો ગરીબ નિયમો માણસે જ બનાવ્યા છે. અને તોડનાર પણ આપણે જ ને.

પ્રેમ પર પી.એચ.ડી?

ના ભાઈ ના મેં પ્રેમ પર પી.એચ.ડી નથી કર્યું. આજે હું અને વીરુ (+virendra makavana) બસ માં હતા ત્યારે વાત થઇ કે ફિલ્મ જોવા જઈએ. તો હજી રવિવાર ની રાહ જોઈએ છીએ

ત્યારે વાત વાત માં વીરુએ મને પૂછ્યું કે યાર તને કદી પ્રેમ થયો? (અઘરો સવાલ) મેં કહ્યું "ના હું એટલો બધો નવરો નથી." મેં સામે થી એને પૂછ્યું કે તને પ્રેમ થયો તો મને કહે "હા થયો ને એક વખત પ્રેમ થયો હજુ સુધી ચાલે છે,  ખાલી છોકરીઓ બદલાય છે. અને પાછું દર વખતે મને જ થયો , છેલ્લા મહીને જ બે વખત સાચો પ્રેમ થયો!"

અને પછી તો બોલવાનું ચાલુ કરી દીધું કે "યાર મારું દિલ તો દરિયો છે એક લોટો કોઈ ઝમકુડી આવીને ભરી જાય તો પણ બીજીની રાહ જોવાય." મોટોમસ શ્વાસ ભરી ને મને કહે  "આ valentine week જેવું કઈ હોવું જ ના જોઈએ યાર આપણા જેવાનું શું થાય? ટેડી દિવસ ને હગ દિવસ ને પ્રોમિસ દિવસ ને પ્રપોઝ દિવસ ને આવું બધું કોણે  કાઢ્યું?" મેં કીધું કે "જેણે પ્રેમ પર પિએચડી કર્યું હશે એણે જ આવું કૈક વિચારવાનો મોકો મળ્યો હશે."

મને કહે "યાર લોકો પ્રપોઝ કઈ રીતે કરતા હશે મને તો પાણીપુરી ખાધા પછી કોરી પૂરી માંગતા પણ શરમ આવે છે." મેં કહ્યું જો પ્રપોઝ કરવો હોય તો 1 એપ્રિલ ના દિવસે કરવો જોઈએ હા કહ્યું તો મજ્જો અને ના કહે તો "એપ્રિલફૂલ" તો છે જ ને. પોતાનો ઉભરો ઠાલવવા ફરી થી મને કહે કે "વેલેન્ટાઇન ડે ના ધતિંગ તો ફક્ત નાના નાના બાળકો માટે છે જો અસલ માં પ્રેમ હોય તો કડવા ચોથ નું વ્રત કરી બતાવે બન્ને." (વાત માં દમ છે.)

અને પ્રેમ માં એવા એવા શબ્દો બોલે ને કે આપણને થાય કે પ્રેમ કરવા જેવો છે. એ વાક્યો ખબર છે?
1. પ્રેમ આંધળો હોય છે.
2. પ્રેમ કદી મરતો નથી.
(1. અને 2. નું મિશ્રણ)
3. આંધળો પ્રેમ કદી મરતો નથી. (તો શું જોઈ શકતો હોત તો મરી જાત? just kidding.)

અને હવે તો દસમાં ધોરણ માં ભણતા છોકરાવ ને પણ રવિવાર ની રજા નથી ગમતી. કેમ? (ખબર છે ને)
એટલે એવું કહી શકાય કે ત્યારથી જ પ્રેમ પર પીએચડી ચાલુ થઈ જાય. અને આ પ્રેમભર્યા અઠવાડિયા માં છોકરાઓ તો ગોતા મારી ખાય, પણ છોકરીઓ તો પૂરે પૂરો લાભ ઉઠાવે.

એક છોકરી ગીફ્ટસ અને કાર્ડસ ની દુકાને જઈ ને કહે કે મને એવું કાર્ડ બતાવો જેના પર લખ્યું હોય કે "હું ફક્ત તારી જ છું." દુકાનદારે ખુબ શોધખોળ કરી ને કાઢી આપ્યું પછી છોકરી બોલી કે "આવા આઠ આપો."

સાંઈરામ ની ભાષામાં કહીએ તો "બે પાણી ના ટીપા એક થાય પછી દુનિયા ની કોઈ તાકાત એને અલગ ના કરી શકે આ એટલે પ્રેમ." આના વિષે બોલતા તો આખો જન્મારો નીકળી જાય પણ ખતમ ના થાય એટલી બધી વાતો છે. તો મળીએ આગળ ની પોસ્ટ માં.

લબૂક :-

                   "એ ઉભા હતા હિંચકા પાસે જયારે બઘીચામાં,

                   ત્યારે મારા મન, દિલ, આંખ, પગ ની નઝર,

                       એમની તરફ અને હાથ હતા ખિસ્સામાં  "

ભ ભ્રષ્ટાચારનો ભ.....

હમણા થોડા દિવસ પહેલા અરવિંદ કેજરીવાલે ભ્રષ્ટ નેતા ઓ ની યાદી બનાવી. તો એના પર થી કૈક ભ્રષ્ટાચાર પર લખવાની ઈચ્છા થાય છે.

ભ્રષ્ટાચાર શબ્દ સંભળાતા જ દેશ ના નેતાઓ , રાજકારણીઓ યાદ આવે. યાર આવું ના ચાલે આપણું નામ ક્યારે આવશે? આપણે પણ ભ્રષ્ટાચાર કરવામાં ક્યાં પાછા પડીએ છીએ. (વિચારી લો)
બે સવાલ કરું જવાબ આપો તો..

1. લોકશાહી એટલે શું?
2. ભ્રષ્ટાચાર એટલે શું?

(જો આ બે સવાલના જવાબ વિસ્તાર માં આપો તો તમે કાંતો નેતા કાંતો કવિ.)

ભ્રષ્ટાચાર એટલે ભ્રષ્ટ + આચાર.

આઝાદ થયા ને આટલા વર્ષ સુધી પણ લોકશાહી સાચા અર્થ માં પ્રસ્થાપિત નથી થઇ. આનું કારણ શું? ભ્રષ્ટ નેતા ઓ કે પછી આપણે?

 "who is responsible for such an rampant corruption and intense price rise?"

ચાલો બન્ને વિષે વિચારી લઈએ.

1. વોટ માંગી ને નોટ સંતાડનારા ભ્રષ્ટ નેતા ઓ પોતા ના ખિસ્સા ભરી ને એમ જ કહે કે અમે ભ્રષ્ટાચાર હટાવીશું. કૌભાંડ કરી ને સ્વીસ બેંક ભરનારા નેતાઓ. સામાન્ય જનતા ને ખોટે ખોટા આશ્વાશન  આપવા માટે લાખો  ના ખર્ચ કરીને સત્તા પર બેસવાવાળા આ નેતાઓ. કે જેને લાંચ રિશ્વત સિવાય કઈ દેખાતું જ નથી. "જે કરવું હોય તે કરો પણ આપણા 50 % રાખો" કહેવાવાળા આ નેતાઓ ભારત દેશ ને વિકાશશીલ  દેશ જ  કહેવડાવશે. વિકસીત દેશ માટે હજુ કેટલા જન્મો લાગી શકે? નેતા આવા કામ કરી ને ભ્રષ્ટાચાર ના ભાઈઓ (મોંઘવારી, ગરીબી, બેરોજગારી, બેઈમાની) ને પણ બળવાન બનાવે છે . આ  લોકો ફક્ત અન્ના ના અનસન થી જ ડરે છે?

2.  ભ્રષ્ટાચાર હટાવવાની શરુઆત પોતાના થી જ થવી જોઈએ કેમ કે જેટલા જવાબદાર આ નેતા ઓ છે એટલા જ જવાબદાર આપણે પણ છીએ. Removal of corruption from the beginning itself.
એક નાની સ્ટોરી કઉ.

                      "એક ગામમાં એક કુલ્ફી વાળો રોજ બાળકો ને કુલ્ફી આપીને રાજી કરતો. એનું ગુજરાન બાળકો પર ચાલતું અને બાળકો પણ એની જ રાહ જોતા. પણ અમુક સરારતી લોકો જયારે કુલ્ફી વાળા નું ધ્યાન ભટકતું ત્યારે એમાંથી કુલ્ફી કાઢી લેતા. આ વાત એને પણ ખબર હતી પણ એ રંગે હાથે નૈ પકડી શકતો હોવાથી એ ચુપ જ રહેતો. એક દિવસ એને કુલ્ફી ના ડબ્બા માં હાથ હતો તેને પકડી લીધો અને પછી જોર જોર થી એને વઢવા લાગ્યો. પણ આનો લાભ ઉઠાવી ને બીજા લોકોએ બીજી વધારે કુલ્ફી લઇ લીધી. આવું દરરોજ થતા એને ડર લાગ્યો કે એક દિવસ મારી બધી જ કુલ્ફી ચોરાઈ જશે આ વિચારી ને એણે પોતે જ જેટલી હાથ માં આવી એટલી લુંટી લીધી."

આવું આપણે કઈ જગ્યાએ કરીએ છીએ.

* મંદિર માં દર્શન માટે....
* શાળા-કોલેજીસ કે હોસ્પિટલ માં પ્રવેશ માટે...
* ટ્રેન માં રીઝર્વેસન માટે...
* રાસન કાર્ડ , લાઇસન્સ કે પાસપોર્ટ માટે...
* નોકરી માટે...
* રેડ લાઈટ પર ચલાન થી બચવા માટે...
* મુકદ્દમો જીતવા કે હારવા માટે...
* ખાવા માટે... પીવા માટે...

હદ તો ત્યાં છે કે ભ્રષ્ટાચાર પોતાના સંતાન ને શીખવીએ છીએ. " 99 % मार्क्स लाओगे तो घड़ी  वर्ना छड़ी".
અરે જો ભારત માંથી ભ્રષ્ટાચાર જાય ને તો તાલીબાન આતંકવાદ છોડવા ની સપથ લઇ લે.

બોલવામાં ક્યાં ટેક્ષ લાગે છે?

તે સાચી જ વાત છે ને. કોઈને ક્યાં આપણા માટે સમય હોય તે આપણી વાત(બક-બક) સાંભળે? અને જો કોઈ સાંભળવા તૈયાર થાય.. ત્યાં કૃષ્ણ દવે ની એક પંક્તિ યાદ આવે છે.. કે "માઈક મળે તો કોઈ છોડે?" ત્યાં આપણે મન ફાવે તેમ બોલવાનું (ગોળીઓ આપવાનું) શરુ. ;) અને પછી પાછળ થી પસ્તાવું પડે.

ઉદાહરણ આપું કે ચાલશે.. વાંચી જ લો ને યાર.

1. અને હા આ ટાઈટલ જાહેરાત વાળાઓ ને જોરદાર લાગુ પડે.... "ફક્ત દસ દિવસ માં ગોરા થાવ." મિત્ર west-indies માં જઈને જાહેરાત કર ને.. આવી તો બીજી ટેબ્લેટ પણ છે જે પાણી વિના ઉતારી દે. યાદ છે ને "કૃપા આની શુરુ હો જાયેગી." વાળી જાહેરાત.

2. હમણાં મણિશંકર ઐયર સાહેબ(સાહેબ ના કે'વાય) ને લોકો એ ચા ની કીટલી પકડાવી દીધી.
એમનું વાક્ય હતું "મોદી સાહેબ ને ચા ની કીટલી ખોલવા માટે જગ્યા કરી આપીએ."

3. આપણા લોક-લાડીલા પ્રેમી પંખીડા.. એમની જીભ ને પણ બોલવામાં ઢાળ નથી ચડવો પડતો. "તારા માટે જાન આપી દઈશ". બકા 500 RS નું રીચાર્જ કરાવને. એટલું કહેતા જ બત્તી ગુલ.

4. ધોની-બ્રિગેડ સતત બે ક્રિકેટ શ્રેણી હાર્યા. દક્ષીણ-આફ્રિકા અને ન્યુજીલેન્ડ સામે વનડે શ્રેણી તબિયત થી હાર્યા પહેલા નું વાક્ય હતું "અમારી ટીમ સારું પ્રદર્શન કરશે" (આમ તો આવું દર વખતે કહે જ છે)

5. આ શાહરુખની ચેન્નાઈ-એક્ષપ્રેસ (રોહિત ની) વખતે વિશાલ દાદ્લાની અને શેખર રાવજિઆણી એ શરમ નો સામનો કરવો પડેલો એમનું વાક્ય હતું "હનીસિંહ આ ફિલ્મ માં એક પણ સોંગ નહિ ગાય." પણ વહાલા ભાઈઓ લુંગી-ડાન્સ એ તો ધૂમ મચાવી અને ગોલ્ડન કેલા એવોર્ડ (સૌથી ખરાબ ગીત)  પણ જીત્યો..  :)

 આ તો થઇ બીજા વ્યક્તિ ઓ ની વાત... હવે આપણી વાત કરીએ (પોઈન્ટ ટુ બી નોટેડ).

* યોગ્ય સમયે યોગ્ય શબ્દો બોલવાથી માન વધે.
* યોગ્ય સમયે અયોગ્ય શબ્દો બોલવાથી માન ઘટે.
* અયોગ્ય સમયે યોગ્ય શબ્દો બોલવાથી ભવિષ્ય માં વખાણ મળે.
* અયોગ્ય સમયે અયોગ્ય શબ્દો બોલવાથી ઢેકા ભાંગી જાય.

જો તમે વિચારી લેતા હોય તો હું વિદાય લઉં.. અને આગળ થી બોલવામાં ધ્યાન રાખજો...
જેથી ઈજ્જત ના કાંકરા અને આબરૂ ના ધજાગરા ના થાય...

તો મળીએ ફરીથી.. ત્યાં સુધી.. ટેક્ષ  લગાડો કોઈના માથે.

લબૂક :-

"લાગ્યું એને કે એના વગર હું મરી જઈસ,

સાલો તાવ પણ ના આવ્યો "

યે દોસ્તી હમ નહિ તોડેંગે.........

"મારું ઠેકાણું નૈ હો... હું તો મને ગમે ત્યારે આ મિત્રવર્તુળ માંથી નીકળી જાઉં". જો આવું કંઈ પણ બોલું ને તો આ બધા મને એટલો બધો મારે કે હું કોઈનો મિત્ર ના બની શકું, કેમ કે આ બધા જ મિત્રો ને કોઈ પણ ગ્રુપ  છોડે કે પછી એવી વાત પણ કરે એ પસંદ નથી.. તો હું હવે થી આ બધા ના વિષે આગળ ની પોસ્ટ માં વાત કરી શકું છું. તો તમે પણ જાણી લો કે કેવા છે મારા ભેરુ..

સૌપ્રથમ અમે બધા જ  I.T ક્ષેત્ર માં છીએ તો બધા ની પાસે નોલેજ છે. કોઈની પાસે SEO(Search Engine Optimization) નું જ્ઞાન કે કોઈ વેબ ડિજાઇનિંગ અને વેબ ડેવલોપીંગ માં પરફેક્ટ છે.

અમે બધા જ પોતાના કરીઅર ને કારણે મિત્રો છીએ એવું પણ કહી શકાય.

અમે બધા એક જ કોલેજ ના હોવાથી સારા મન-મેળ તો હતા જ પહેલેથી પણ અમારું મિત્ર વર્તુળ અમદાવાદ માં બન્યું.

1.બધા ના જન્મ દિવસ ઉજવવા,
 2. ઈન્ટરવ્યું માં સાથે જવું,
3. મળવા નું પ્લાનીંગ કરી ને ના મળવું અને અચાનક બધા એક સાથે હોય,
4. એક-બીજા ને ચીડાવવું. (નામ નથી લખતો નહીતર બધા મને જુડી નાખશે),
5.ચેટ અને ખાલી-ખોટા કામ વિના ફોન કરવા,
6. ટીફીન શેર કરવાની મજા કૈક અલગ જ હોય.
7. સર( +Paavan Jethava , +Rajesh Sardhara  ) પાસે મજાક મજાક માં શીખવું.
8. ઢીશુમ ઢીશુમ પણ થાય, અને પછી હતા એવા.

આવી તો ઘણી વાતો (યાદો રાખોને) છે જેની હજુ પણ અમે બધા મજા લઈને મિત્રતા નિભાવીએ છીએ.. મારા આ બધા જ મિત્રો +Priyesh Rathod , +Dhananjay Bhuva , +narendra thakor , +akshay bhimani , +Patel Suresh , +patel vaibhavi , +Mori Usha , +Hina Solanki , +Jarpita Shah , +pinkal patel , +Namrata Gohil .
 ની સાથે અમે બહુ જ ખુશ છીએ. અને અમે આ મિત્રતા ખેચી રાખીશું (નિભાવીશું)  

મિત્ર એ એક એવો વ્યક્તિ કે જે તમારા વિષે બધું જાણતો હોવા છતાં તમને પ્રેમ કરે છે. અને અમારી વચ્ચે પણ કૈક એવું જ છે...

" એક સારું પુસ્તક હોવું એ હજાર મિત્ર સમાન છે, પણ એક સારો મિત્ર હોવો એ  લાયબ્રેરી સમાન છે "

અરે આવા વિષય ની ચર્ચા ના થાય ખાલી મિત્રતા નો અનુભવ થઇ શકે..
સાચા મિત્ર ને ગુમાંવશો નહિ.

We love you all ..

લબૂક:-
                                              "યાર, તમારી યાદ આવે છે,
                                    ના હોય, અમને પણ યાદ આવે છે, દે તાલી"

થોડું મારા બ્લોગ વિષે.

ભાઈઓ અને ભાઈઓ ની બહેનો હું અત્યાર થી બ્લોગ બનાવવાનું ચાલુ કરું છું તો હું એવી આશા રાખું કે મારો બ્લોગ તમને ગમે.... અહીં હું તમને કંટાળો આવે એવું કઈ નથી પ્રકાશવાનો (એટલે કે લખવાનો) :-)  પણ હા જેવા જેના ના વિચારો ....

અને હા અહીં દેશ દુનિયા માં જે મજા કરાવે એવું હોય અને જેની ચર્ચા વધારે થતી હોય એની આપણે ચર્ચા કરશું...
દરરોજ નહિ તો પણ અઠવાડિયા માં એકાદ વખત ફેરો લઇ જઈશ... અને સમાચાર આપીશ.....

હું સમાચાર ની જાહેરાત નથી કરતો હો... પણ હા હવે ગુજરાતી માં પેલું આપણું  times of india (મારું નહિ તમારું) નું છોકરું ગુજરાતી માં પાપાપગલી  ભરે છે.. જેનું નામ નવગુજરાત સમય છે... જોઈએ કે એનું career  કેટલું ચાલે છે. ચાલશે જ યાર. ;)

માફ કરજો હો... લાગે છે અત્યાર થી જ કંટાળો આવવાનું  શરૂ થઇ ગયો..
પણ શું કરું.... પહેલી જ પોસ્ટ છે ને આપણી.. તો પેટ માં ગલીપચી થાય છે.
તો અત્યારે આટલું જ રાખી એ અને પછી ... તમને પણ ગલીપચી થાય એવી બે ચાર વાતો મુકીશુ ....